Gin anunsyo ni Sugar Regulatory Administrator Pablo Luis Azcona nga ang tanan nga ma produce nga kalamay sa gina paabot nga crop year ang iga classify nga “B” ukon domestic sugar.
Ini ang gin-announce sa 71st Philsutech Convention sa Cebu sang Miyerkules.
Sa tradisyon ang SRA ang naga declare sang sugar classification sa tion nga ang Administrator ang naga hatag sang iya nga industry updates sa industry stakeholders nga naga attend sang annual convention.
Gin announce man ni Azcona nga opisyal nga maga sugod ang milling season sa October 1 ukon ang Lunes nga pinaka malapit sa amo nga petsa, kasunod sang 3-year transition period agudto mabalik ini sa last quarter sang tuig.
Ugaling kay ang October 1, Miyerkules, mahimo nga ang deklarasyon sang abri galing mangin September 29.
Sa iya nga report, ginsiling ni Azcona nga as of July 27, ang total raw sugar nga na produce nagdangat sa 2.084 million metric tons.
Halos 26 million metric tons sang tubo ang nagaling gikan sa 405,000 hectares, kun sa diin, 392,000 diri ang gintanom para sa sugar kag ang 13,000 naman para sa bioethanol.
Gindayaw man ni Azcona ang Mindanao farmers bilang baganihan sang sugar industry sini nga tuig.
Gin-attribute ang pinaka daku nga growth production sa mga miembro sang bag-o na porma sang sugar federation nga gina pamunuan sang presidente sini nga nga si anay Congressman Manuel Zubiri.