Gina pabaskog sang siudad sang Talisay ang kampanya kontra cholera. Task Force ang gintuga para magtutok sa monitoring kasubong man education campaign.
Suno kay Dr Joy Gladys Guanzon ang City Health Officer sang Talisay ang TF ang may tagsa ka team nga naga padulong sa mga barangay para mag monitor sang water sources, maga patigayon sang health education kag chlorination sang water sources.
Sa record sang Provincial Healthh Office ang Talisay ang may pinaka madamo nga kaso sang cholera – 13 cases.
Kaina sang aga, nag patigayon sang water sampling sa Baragany Zone 3, Zone 10 kag Dos Hermanas suno kay Jerick Estrope ang Cholera Surveillance Officer sang Talisay.
Padayon man suno sa iya ang pagpatuman sang advocacy meeting kaupod sang mga barangay officials kag barangay health workers. Sa bilog nga probinsya nagdangat na sa 28 ang cholera cases kag duha ang patay.
Ang tanan nga cholera cases nag gikan sa mga banwa kag siudad sakop sang third district.