Talisay City Mayor Neil Lizares ang nag positibo sa Covid-19.
Nag gwa ang swab test result sang alkalde Lunes sang gab-i. Siya ang asymptomatic kag iya ginapasalig nga siya ang nagapatuman sang tikang nga mapangapinan ang ikaayong lawas.
Sa text message ni Mayor Lizares sa Digicast Negros, base sa iya nga result, 37.2 ang value sa iya nga cycle threshold nga nagakasayuran nga manubo na ang viral load. Ginmando naman sang alkalde ang pagpatuman sang skeleton workforce sa September 22 kag 23 kag ang lockdown sa city hall sa September 24 para sa disinfection.
Sa pihak nga bahin, nag pa gwa naman sang pahayag ang lokal nga panguluhan sang Kabankalan matapos magpositibo sa virus si Mayor Pedro Zayco.
Sa amo nga pahayag ginsiling nga yara sa estable nga kondisyon si Zayco kag wala ini nakitaan sang ano man nga kumplikasyon. Padayon ini nga yara sa isolation santo sa protocol. Ginahaylo naman ang wala pa maka pa bakuna nga mag pabakuna na.
Samtang, natalana naman nga ipaidalom sa swab test ang mga personnel sang City Mayors Office sang Kabankalan sa Miyerkules. Naka lockdown sa karon ang amo nga talatapan.
Sa Hwebes naman naka schedule mag pa swab test ang mga opisyales kag katapo sang Love Negros nga nagtambong sa pagsinapol sang Sabado nga gintambungan man ni Mayor Zayco.