Pamuno sang Disaster Risk Reduction Management Office sa Talisay City gina recommend ang pag-monitor kag pagdumili sa mga nagapaligo sa suba sa kabarangayan kun malain ang panahon.
Daw indi mabaton sang mga ginikanan sang 12 anyos nga si Mae Ann Suplemento nga makita ang iya bangkay matapos malumos sa Matab-ang River sa Barangay Matab-ang sa Talisay City sang Martes sang hapon.
Suno kay Geoffrey Gutierrez, pamuno sang Talisay City DRRMO, may pila na ka mga insidente sang pagkalumos sa amo man nga suba sang tinalikdan nga tinuig.
Gani maga-sugilanon sila sa mga opisyales sang barangay agud mapabaskog ang pagbantay sa mga suba nga masami ginadagsa sang mga excursionista.
Maga recommend man sila nga kun mahimo dumilian ang pagpaligo sa mga suba ilabi na kun malain ang panahon agud mapaiway ang mga kasubong nga disgrasya.
May napulo ka tapak ang kadalumon sang bahin sang Matab ang river kun diin na-record ang pila ka mga insidente sang pagkalumos.