BTAO head Patrick Lacson naghinyo nga sa Bredco ibalhin ang opisina kag impounding area sang ila nga talatapan.
Nagapabilin nga libre ang pag-gamit sang Bacolod Traffic Authority Office sang opisina sa sulod sang Bacolod Bazket Compound nga ginapanag-iyahan man sang tagdumalahan sang Metro Towing Service.
Ang lugar nagaserbe man nga impounding area sang BTAO ilabi na sa mga ginapang-tow nga salakyan kag motorsiklo.
Suno kay BTAO head Patrick Lacson, wala man sang deadline nga nahatag sa ila ang towing service pero nagalaum siya nga kuntani matigayon ang plano nga construction sang bag-o nga BTAO office sa Bredco Port area.
Para kay Lacson bentaha ang malapad nga area para sa ginaplano nga opisina kag pati na impounding area.
Nagligad lang nga bulan sang ginhinyo ni BCPO City Director Col. Noel Aliño sa siudad nga makakas ang BTAO sa PNP Headquarters bangud sang security concerns kag agud nga magamit ini bilang dugang nga opisina sang kapulisan.