Gin-dominate ni Neilson Chen, isa sa mga kilala nga pickleball player ang First Bacolod International Pickleball Tournament nga ginpatigayon sa One Pickleball Hub sa La Salle Avenue sa Bacolod sang weekend.
Si Chen upod ang teamate nga si Allen Manlangit ang nagkampeon sa Men’s Double category sang ila ginlutos ang accomplished-tennis player nga si Johnny Arcilla kag Nik Isagan.
Nagkampeon man si Chen upod kay Ko Jou Yu sa mixed doubles category sang liwat nga malutos sanday Arcilla kag Eren Penados.
Nagkampeon naman sa women’s doubles category sanday Medelene Saraza kag Patricia Raymundo.
1st runner-up sanday Yu kag Eren Penados nga ginsundan nanday Winona Cabardo kag Fatima Amirul kag Bambi Goleta kag Jane Rached Idos bilang second kag third runner-up.
76 ka mga picklers gikan sa China, Taiwan, Vietnam kag Philippines ang nag-compete sa 2-day tournament.
Ginsiling ni Charles Dumancas, host kag organizer sang ginakabig historic competition nga kabahin lamang ini sa mga tikang para matagaan sang oportunidad ang mga local pickleball atheletes kag mapasanyog ang Pickleball nga isa sa mga fastest growing sports globally.
Ang pickleball ang nagsugod sa Estados Unidos sang 1960s.
Kasubong ini sang tennis kag badminton magluwas lang nga magamay ang court dimension kag may yara ini sang non-volley zone ukon ang red painted area nga indi pwede mag-counter hit ang players nga wala maka-bounce ang pickle ball.