Isa pa ka taga-Hinigaran nga magabyahe kuntani pa-Iloilo ang nadakpan sang katapo sang monitoring team sang Bacolod City Disaster Risk Reduction Management Office nga nag-gamit sang peke nga RT-PCR test result para makasakay sa roro sa BREDCO port.
Suno kay Dr. Edwin Miraflor, ila na gintugyan sa City Health Office ang insidente agud mapasakaan sang kaso ang amo nga persona.
Gindugang ni Miraflor nga humalin sang ginpatuman ang no vaccine, no work policy kag ang pag require sang negative RT-PCR test sa mga empleyado, ang katapo sang EOC ang may madamo na sang nadakpan nga naga peke sang resulta sang RT-PCR test pati mga bacuna cards nga gina-issue sang siudad.
Ang EOC ang maid-id nga naga-usisa sang mga qr code nga yara sa mga vax cards kag RT-PCR results gani mahapos nila nga ma verify bangud tanan man nga nakapabakuna kag nagakuha sang RT-PCR test result ang encoded na sa ila nga database.