Nasapwan na lamang nga wala na sang kabuhi ang 43-anyos nga taga Binalbagan sa higad sang dalan sa Hacienda Malaga, Barangay Robles sa banwa sang La Castellana, Negros Occidental, Martes sang kaagahon.
Nag-gwa sa imbestigasyon nga nag-inom-inom sa Resto Bar ang biktima nga si alyas “Brian” kag ang iya abyan nga si alyas “Mathew”.
Papauli na sila sakay sang motorsiklo apang sa ila pag-abot sa Hacienda Malaga, may tatalo ka mga wala pa makilal-an nga persona nga nagkastigo sa ila.
Nakadalagan si “Mathew” kag nagpangayo sang bulig sa resto bar, samtang nabilin sa lugar ang biktima.
Nasapwan nga patay ang biktima kag may mga buno ang lawas sini.
Padayon pa ang imbestigasyon sang kapulisan sa insidente.