Tag: Negros

Dec32021 by Romeo SubaldoNo Comments

Alangilan National High School naka handa na para sa limited face to face classes

[embedyt] https://www.youtube.com/watch?v=t9z4cIchzjk&live=1[/embedyt]Pagsamput mo pa lang sa eskwelahan, gina kuhaan ka na sang body temperature kag gina pa hugas sang kamut.Ini ang classroom kun sa diin patigayunon ang limited face to face classes sa Lunes para sa Grade 12.Beinte lang anay ka mga estudyante ang i akumodar. Mga senior high school students sa idalom sangLandscape installation and maintenance sang technical vocational and livelihood nga strand.Isa sa mga estudyante nga naupod sa limited face to face classes si John Dave Lara, madamo siya kuno sang natun-an ilabi na sa time management sang naga module siya pero lain gid ya kuno ang pag eskwela kun face to face na.Sa sulod sang classroom may 2 meters nga distantsya sa isa kag isa ang mga pulungkuan. Ma...

Dec32021 by Martian MuycoNo Comments

1 patay, 5 pilason sa bungguanay sang canter kag tricycle

Balita Hiligaynon

Pontevedra PNP photoWala na matabangan pa sa ospiral ang 40 anyos nga pasahero nga si joselyn madalag matapos mabungguan sang canter ang ila gina sakyan nga tricycle sang kahapon sa highway sang Barangay San Juan banwa sang Pontevedra.Sa imbestigasyon sang PNP, pareho naga dalagan sa pihak kag pihak nga lane ang tricycle kag canter sang hinali na lang mag lupok ang goma sang canter gani ini ang nag tupa sa pihak nga lane kag nabungguan sini ang tricycle.Nag labog sa pader sa kilid sang dalan ang tricycle samtang nag rekta naman sa gate sang isa ka balay ang canter.Magluwas sa napatay nga pasahero sang tricycle, pilason man ang driver sang tricycle kag isa pa gid ka pasahero.Pilason man ang driver sang canter kag duha sini ka sakay.

Dec32021 by Nico DelfinNo Comments

Pagsulod sang kawatan sa botika dakop sa CCTV

Balita Hiligaynon

Courtesy of Anna Liza Jison SantiagoIni ang video sang aktwal nga pagpangawat sang duha ka mga persona nga nakuhaan sang CCTV sa sulod sang botika sa Barangay 1 sa banwa sang EB Magalona Huwebes sang kaagahon.Suno sa tag-iya sang pharmacy, ginguba kag ginlukit sang mga kawatan ang roll-up door kag ang lock sang glass door sang botika.Sunod nila nga gin-abukay ang cash register kag ang mga cabinet.Nagkuha pa ang isa sa ila sang sako kag didto ginsulod ang mga habon, balanyos kag pati na mouthwash.Indi pa mapat-ud sang tag-iya kun pila ang balor sang mga gindala sang mga nakapalagyo nga kawatan.Gina-usisa na sang kapulisan ang insidente agud mapat-ud ang mga responsable sa pagpangawat.

Dec32021 by Martian MuycoNo Comments

Mga bagaso nga na stock ang ginhalinan sang kalayo sa VMC

Balita Hiligaynon

Chamber Volunteer Fire Brigade photoSpontaneous combustion ukon ang hinali lang nga pagkalayo sang bagaso ang kabangdanan sang sunog sa VMC.Sa pag pangusisa sang Victorias Bureau of Fire Protection sa nagluntad nga sunog sang Miyerkules sang gab-i sa bodega sang Victorias Milling Company, hinali na lang nga nagkalayo ang bagaso sa sulod sang bodega nga gin halinan sang sunog.Suno kay City Fire Marshall Chief Inspector Jenny Masip, ang bagaso sa entrada nga bahin sang bodega ang nagkalayo lang matapos sang masobra isa ka tuig nga na stock ini.Ini ang nag lapta suno kay masip kag ini ang ginhalinan sang pagkasunog sang mga bagaso sa sulod sang bodega.Gina bulubanta 700,000 pesos ang halit nga tuga sang sunog. Wala naman mag lapta pa sa iban pa nga bahin sang VMC ang sunog...

Dec32021 by Barbara MijaresNo Comments

DSB zero Covid-19 active cases na

Balita Hiligaynon

Padayon ang pagnubo sang active Covid-19 cases sang Negros Occidental. Banwa sang Don Salvador Benedicto ang may zero active cases kag onse naman ka mga banwa kag siudad sa probinsya ang may single digit na lamang nga active Covid 19 cases.Sang Nobyembre 23, nag post na ang Don Salvador Benedicto sa ila nga official page nga wala na sang active Covid - 19 cases ang banwa. Samtang, ang Calatrava, Candoni, EB Magalona, Escalante, Ilog, Isabela, Manapla, Murcia, San Enrique Toboso kag Valladolid may single digit active cases na lamang.As of December 2, sa report sang Provincial Incident Management Tteam, 417 ang active cases sang Negros Occidental. Siudad naman sang La carlota ang may pinaka mataas nga na record nga active cases sa amo nga report – 30.

Dec32021 by Digicast NegrosNo Comments