Tag: Negros

Provincial Health Office sang Negros Occidental ang nagalaum nga sa sini nga bulan sang Disyembre malambot sang probinsya ang herd immunity.Sa December 6 nga report sang Department of Health Region 6, 51.65 per cent ukon 942,759, sa 1.8 million nga target nga mabakunahan sa Negros Occidental ang nakabaton na sang at least one dose sang Covid-19 vaccine.Suno kay Dr Ernell Tumimbang, kun magtayuyon ang momentum ukon ang kasupog sa pagpatuman sang pagbakuna sa nagligad nga national vaccination days malambot sang Negros Occidental sini nga Disyembre ang herd immunity.Naka schedule ang ika duha nga National Vaccination Days sa Disyembre 15 tubtob 17.Suno kay Tumimbang pagkatapos sini ila gina lauman nga malambot na ang 70 percent nga target.Suno sa PHO sa karon padayon ang p...

Wala pa maka desisyon ang Love Negros kun bala may itib-ong sila nga isa ka kandidato para sa pag ka presidente.Ini suno kay Negros Occidental Governor Eugenio Jose Lacson sang Love Negros. Personal nga pagpati sang gobernador mabudlay ang isa ka collective stand para sa pag tib-ong sang isa ka kandidato.Suno sa gobernador gina kilala nila ang ano man nga desisyon sang tagsa ka local chief executive kun tagsa sa ila ang may lain-lain nga mga desisyon.Sa sitwasyon sa karon, ginalantaw nga ang United Negros Alliance indi maka tib-ong sang isa ka kandidato para sa 2022 nga piniliay.Sang Sabado nag patigayon sang general assembly ang UNEGA. Pero wala natalakay kun sino ang ila suportahan sa pagka presidente. Suno kay Vice governor Jeffrey Ferrer ang presidente sang UNEGA tuman ...

Pontevedra PNP photoArestado ang 18 anyos nga si Abigail Arellano matapos makuhaan sang 204,000 pesos nga balor sang gina patihan shabu sa buybust operation sang Sabado sa Barangay San Juan sa Pontevedra.Suno sa pulis, ang live in partner ni Arellano amo kun tani ang subject sa buybust ugaling wala ini kag si Arellano lang ang ara sang gin patigayon ang buybust operation sang Sabado.Dugang pa sang pulis, si Arellano amo man ang gina himo sang iya live in partner nga taga dagdag sang shabu sa pila ka mga lugar sa banwa.Kaso nga pag lapas sa RA 9165 ang ipasaka subong nga adlaw batuk sa teenager.

Karon nga nag halog na ang restrictions kag daku ang ligwa para sa mga pagtililipon, gobernador ang naga pahanumdom sa publiko nga indi gid pagkalipatan ang pag gamit sang face mask kag ang pagsunod sa physical distancing.Suno kay Governor Eugenio Jose Lacson, yara na ang desisyon sa tagsa-tagsa agudto mapangapinan ang ikaayong lawas. Napaandaman naman ang tanan suno sa iya. Wala labot diri yara pa ang threat nga gina dala sang bag-o naman nga variant sang Covid-19.Ang mga kabataan ginatugutan man nga maka gwa sa karon, pero dapat may upod kag magabayan sang mga guardian ukon ginikanan. Suno kay Lacson, ginbalik man ang damlag pa duha ka Covid designated hospitals sa probinsya bilang regular na karon nga mga ospital, handa ang Negros Occidental sa pagbalik sini bilang mga Covid cen...