Tag: Negros Occidental

Jul102026 by Shiela Gelera-BragaNo Comments

Amay Ginpatay sang mga Armado

Upod sang 29-anyos nga amay ang tatlo sini ka mga kabataan sang nag-abot ang lima ka mga armado nga lalaki sa ila puloy-an sa nabukid nga bahin sang Sitio Gut-ac, Purok 4 sa Barangay Abaca, banwa sang Cauayan, mga las 7:30 sang gab-i, Miyerkules, Hulyo 8.Gintawag sang mga suspek ang biktima nga mag-gwa sa ila balay. Kag didto na gintiro sang isa sa mga suspek ang biktima sang makapila ka beses, gamit ang long firearm, rason sang iya kamatayon.Isa ka mangunguma ang biktima kag nagaisahanon niya nga ginasagod ang tatlo sini ka mga kabataan matapos sila ang ginbayaan sang iya asawa.Ginsiling ni Lt. Col. Norberto Barniso, hepe sang Cauayan PNP, may inisyal nga lima ka igo sang bala ang nakit-an sa lawas sang biktima.Narekober sa crime scene ang pito ka fired cartridge cases san...

Jul92026 by Shiela Gelera-BragaNo Comments

20 ka mga Balay sa Hinigaran, Gin-igo sang Buhawi

Balita Hiligaynon

Nagkalaguba ang 20 ka mga balay sa higad sang baybay sa duha ka mga barangay sa banwa sang Hinigaran, Negros Occidental matapos ang pag-igo sang buhawi, mga las 6:45 sang aga, Huwebes, Hulyo 9.Base sa records sang Provincial Disaster Risk Reduction and Management Office, may walo ka partially damaged houses sa Punta Pasil, Barangay Tagda; samtang pito sa Sitio Raming kag tatlo sa Punta Tanulo, sakop sang Brgy. Pilar.Ginsiling ni Hinigaran Mayor Grace Arceo, may duha pa ka dugang nga mga naguba nga balay sa Punta Pasil ang gina-verify sang Municipal Disaster Risk Reduction and Management Office.https://youtu.be/U8FPWr5BpCc?si=Qr7fa2LCsVs1gbrSSuno sa mga pumuluyo, ang buhawi ang nagporma sa lawod kag nagpadulong sa mga pamalay sa higad sang baybay.Wala sang reported nga...

Jul72026 by Shiela Gelera-BragaNo Comments

Bangkay sang Lalaki nga may mga Pilas, Nasapwan sa Irigasyon

Balita Hiligaynon

May mga pilas sa ulo kag lawas ang bangkay sang lalaki nga nasapwan sa irrigation canal nga sakop sang Purok Narra sa Barangay Malingin, Bago City, mga las 7:20 sang aga, Martes, Hulyo 7.Ginkilala ang biktima kay alyas “Edmon”, 39-anyos, isa ka vendor kag residente sang Brgy. Antipuluan sa Bago.Ginpangita sang mag-utod nga sanday alyas “Edmar” kag “Enocencio” ang ila na-missing nga utod kag didto na nila nakit-an ang biktima sa sulod sang irrigation canal.Ila gin-retrieve ang biktima kag gindala sa ospital apang gindeklarar nga dead on arrival.Gindala ang bangkay sang biktima sa punerarya para sa post-mortem examination samtang padayon ang imbestigasyon sang Bago PNP agud makilal-an ang mga suspek.*

Jun122026 by Shiela Gelera-BragaNo Comments

Babaye kag iya Amay Ginhanot sang Baseball Bat sa Sagay

Balita Hiligaynon

Nakaangkon sang mga seryoso nga pilas ang mag-amay matapos sila ang ginpanghanot sang steel baseball bat sa Brgy. Poblacion 1, Sagay City, mga pasado la-una sang hapon sang Martes, Hunyo 9.Yara karon sa ospital ang mga biktima nga sanday alyas “Eva”, isa ka business owner kay ang iya senior citizen nga amay. Sila ang ginpaidalum sa surgery bangud sang ila naangkon nga mga injuries.Naggwa sa imbestigasyon nga nagalalisay sanday Eva kag ang suspek nga si alyas “Onel”, 47-anyos sang nagkuha ang suspek sang baseball bat kag makapila ka beses nga ginhanot ang biktima sa ulo.Sang makita ini sang amay sang biktima, siya ang nagtinguha nga magtambag apang ginlampusan man sang suspek gamit ang baseball bat sang makapila ka beses.Nagbulig ang miyembro sang duha ka pamilya agud ma-res...

Jun102026 by Shiela Gelera-BragaNo Comments

Pagpatay sa Kabo nga Isa man ka Pastor, Gin-ako sang NPA

Balita Hiligaynon

Sa statement sang Romeo Nanta Command-New People’s Army, South Central Negros Guerilla Front, ila gin-ako ang pagpatay sa kabo sang kampo nga isa man ka pastor kag miyembro sang Lupon sa Barangay, sa Sitio Mag-anay Uno, Barangay Bi-ao sa banwa sang Binalbagan sadtong Lunes, Hunyo 8.Ginsiling ni Ka Dionesio Magbuelas, tagpamaba sang Romeo Nanta Command, isa ka anay CAFGU kag nangin intel sang 94th Infantry Battalion si Marlo Galan ukon alyas “Panoy”.Suno kay Magbuelas, may kaangtanan si Galan sa operation sang Army sa Brgy. Bi-ao sadtong Enero 30, 2026 kung diin napatay ang duha nila ka mga kaupdanan, lakip na si Reynalde Erecre ukon “Ka Amek”, nga ginakabig isa sa mga mataas nga lider sang NPA.Si Galan ang nagabantay sa mga nagapanghilamon sa kampo sang siya ang gintiro kag nak...

Jun102026 by Shiela Gelera-BragaNo Comments

Duha ka Gin-alegar Kawatan nga may Dala Pusil Nagsulod sa Isa ka Balay sa Kabankalan

Balita Hiligaynon

Nakuhaan sang closed-circuit television camera footages ang duha ka mga lalaki nga nagsulod sa isa ka balay malapit sa plaza sang Barangay Tagoc sa Kabankalan City, Martes sang gab-i, Hunyo 9.Nagatini-il ang duha ka mga lalaki kag nagasundanay nga nagsulod sa balay.Ang una nga nagsulod nga lalaki ang nakasuksok sang jacket, shorts kag may dala nga pusil.Samtang ang ikaduha nga lalaki, may mga tattoo sa tiil, nakasuksok sang longsleeves, shorts, may relo sa kamot, nakakalo kag may tabon nga panyo sa guya.Pila ka minutos nga nang-ukay sang mga gamit sa sulod ang duha ka mga lalaki.Antes maghalin, makita nga ginkakas sang isa sa mga suspek ang cellphone nga naka-charge kag gindala.Sa karon, wala pa makabaton sang report ang Kabankalan PNP angot sa insidente apang sila ...

Jun92026 by Shiela Gelera-BragaNo Comments

Lapsag Ginsulod sa Sako kag Ginbilin Malapit sa Quarry sa Toboso

Balita Hiligaynon

Yara na karon sa custody sang Department of Social Welfare and Development ang bag-ong bun-ag nga baby boy nga ginbilin sa Barangay Poblacion, banwa sang Toboso sadtong Biyernes, Hunyo 5.Nasulod sa sako ang lapsag kag nagakasubayan sang siya ang masapwan sang isa ka persona nga papauli gikan sa iya obra sa quarry, matapos mabatian ang hibi sini.https://youtu.be/SsUzzVadqCc?si=LvxM6LStwj3u_rwtNag-report ang nakakita sa barangay kag didto na ginturn-over ang bata sa DSWD. Gindala ang newborn sa Municipal Health Office agud mapaidalum sa medical examination.Sa karon, padayon pa ang imbestigasyon sang Toboso PNP agud ma-locate ang ginikanan sang bata.*

Jun22026 by Shiela Gelera-BragaNo Comments

Laborer Ginbuno sang Truck Driver nga Upod niya Inom

Balita Hiligaynon

Kaso nga murder ang ginpasaka sang kapulisan sadtong Lunes, Hunyo 1, batok sa truck driver nga nagpatay sa isa ka laborer sa Sitio Palayan, Barangay Cabadiangan sa Himamaylan City.Igo sang buno sa li-og kag likod ang naangkon sang biktima nga si alyas “Arnold”, 41-anyos, nga nagresulta sa iya kamatayon.Nag-gwa sa imbestigasyon nga updanay man lang inom-inom ang biktima kag ang suspek nga si alyas “Ricky” sang nagluntad ang pagbinaisay nga naglab-ot sa pagbinun-anay sadtong Sabado sang hapon, Mayo 30.https://youtu.be/1tMTESpQiDU?si=zM-s6tDCiBvppj9zNagapanit sang prutas nga manga ang biktima sang gulpi lang naghambal ang suspek nga siya ang ginapahog sang biktima gamit ang kutsilyo.Naglikaw sa gamo ang biktima apang siya ang ginbuno sang suspek sa likod. Nagdalagan ang ...

Jul302025 by Barbara MijaresNo Comments

3rd Dist Rep. Javi Benitez na-appoint Assistant Majority leader sa Kongreso

Balita Hiligaynon

Third District Representative Javier Miguel Benitez ang gin appoint bilang isa sa mga assistant majority leader sang 20th Congress.Ini nga bagay suno kay Benitez ang isa ka prebilihiyo kag iya nga gina baton ang responsibilidad nga may tuyo nga mag pangalagad nga may yara sang purpose.Siya ang upod nga maga trabaho kay Majority Leader kag Ilocos Norte 1st District Representative Sandro Marcos sa pag paseguro sang efficient kag productive flow sang legislative nga trabaho sa kongreso.Para kay Negros Occidental Governor Eugenio Jose Lacson, wala siya na surpresa diri bangud wala labot sang suod nga relasyon ni Benitez kay Congressman Marcos, competent man si Benitez.Bentaha man ini sa Negros suno kay Lacson labi na sa 3rd District.Si Benitez ang gin hingadlan man nga chai...

Jul292025 by Barbara MijaresNo Comments

Kahalitan sa pananum dala sang Habagat nga ginpabaskog sang bagyo nagsaka sa P97.2M

Balita Hiligaynon

Nagsaka sa 97.2 million pesos ang kahalitan sa pananum sa Negros Occidental dala sang Habagat kag epekto man sang Bagyo Crising, Dante kag Emong.Sa report sang Regional Disaster Risk Reduction Management Council, may 88.7 million pesos man nga kahalitan sa infrastructure sa Negros Oriental.Sa July 28 nga report sang RDRRMC, naka saad nga tatlo ang gin-report napatay dala sang malain nga panahon.Suno kay Office of the Civil Defense Regional Director, Donato Sermeno, III, ini ang naga lakip sang duha nga napatay sa Binalbagan kag sa Himamaylan.Taliw-as sa report sang Provincial Disaster Risk Reduciton Management Council wala nalakip sa report sang RDRRMC ang duha ka patay sa Hinoba-an bangud sang pag ka kuryente kag ang mangingisda sa Sagay nga na missing matapos mag palawud...