Natumod na sang National Bureau of Investigation ang persona nga naga panag-iya sang frozen nga body parts nga ginbilin sagwa sang NBI office sadtong bulan sang Marso.
Ginsiling ni NBI Bacolod Chief, Atty Renoir Baldovino nga sa fingerprint analysis sang Dactyloscopy Division sang NBI nag match ang fingerprint sa isa nga ginkilala kay Baltazar Lamata. Sa impormasyon sang NBI si Lamata ang taga Pahanocoy kag isa ka drug personality. Gina pat-od pa kun bala himata niya ang damlag pa nagpadulong sa police station 2 nga nagpakilala iya nga bata kag live-in partner, pending sang resulta sang DNA testing nga ginpatigayon sang PNP.
“Nag-apply kasi ng clearance yang si Baltazar Lamata, positively identified na yan, based on the report, one and the same person yung fingerprints niya nag match sa previous na fingerprints niya when he secured his NBI clearance. According to reports na na gather namin mukhang may involvement ito sa illegal drugs. We do not know if he is a drug pusher or drug user”, suno kay Baldovino.
May kabudlayan sa karon ang NBI sa pag pakig-angut sa nagpakilala himata. Karon nga may positive identification, maga padayon ang case build-up sang NBI para makilala ang sa likod sini tanan. Marso uno sang ginbilin ang body parts sagwa sang talatapan sang NBI sulod sa isa ka sako nga may upod nga note nga naga siling: William de Arca NBI protector ni Hanz Lopez drug lord.