Isa ka persona nasapwan patay sa sulod sang iya ginarentahan nga balay sa Barangay 7, sa Kabankalan City mga las 10:00 kaina sang aga.
Sa inisyal nga impormasyon sang PNP, ginkilala ang biktima kay Ramilo Arquisola, tumandok sang Barangay Rizal, siudad sang Silay.
Tag-iya sang restaurant si Arquisola sa Kabankalan City.
Suno sa empleyado ni Arquisola, ulihi nila nga nakit-an ang biktima sadtong Sabado pa nga adlaw.
Sang wala makapakita ang biktima sang Lunes, nagdesisyon ang mga empleyado nga kadtuan siya sa iya apartment.
Suno sa Kabankalan PNP, naabtan siya sang iya nga mga empleyado nga naga hamyang ang iya nga bangkay sa sala kag naga hublas.
May dugo nga nagwa sa baba, dalunggan kag ilong sang biktima. Naka earphones pa ini kag wala mapatay ang suga sa iya nga banyo.
Naga isahanon lang naga naga puyo sa apartment ang biktima.
Padayon pa nga gina usisa sang PNP ang ini nga kaso.