
Duha ka mga babaye patay sang mabungguan sang truck ang ila nga motor.
Patay ang tag-iya sang kalan-an nga si Julie Ann Broce kag iya empleyado nga si Grace Telebrico, sang nabungguan sang trak sa National Highway nga sakop sang Barangay 21 sa Victorias City Biyernes sang kaagahon.
Si Telebrico ang nagamaneho sang motorsiklo kag angkas sini si Broce. Suno kay Police Major Joy Ellaga, Deputy Chief of Police sang Victorias City PNP, papauli na ang mga biktima sang nagluntad ang insidente.
Nagpundo ang motorsiklo nga ginasakyan sang mga biktima para magliko sang nabungguan sila sang nagasunod nga 6-wheeler.
Ginalantaw sang kapulisan nga mahimo wala makita sang trak ang mga biktima bangud nga may sugata man nga trak kag silaw ang suga kag naga ulan-ulan sang amo nga inoras.
Wala nagdulog ang trak kag nagpalagyo.
Ginbayaan sang driver ang trak malapit sa Victorias Milling Company kag nagsungka sa Bacolod City Police Station 6.
Ginkumpirmar naman ni Ellaga nga desidido ang pamilya sang biktima nga magpasaka sang kaso batuk sa driver sang trak.