Tag-iya sang structure nga ginapatukod sa Barangay Tangub nga wala sang permit gintagaan tubtob subong nga adlaw para mag-comply sang mga dokumento.
Indi pa ma mapat-od sang Office of the Building Official kun ano ang structure nga gina tukod sa Purok Paghidaet Tres sa Barangay Tangub sa Bacolod City.
Wala pa man abi may nasumite nga mga dokument sa ila nga talatapan.
Pero may mga naga siling nga bulangan ini kag may labot diri sa Punong Barangay Noli Villarosa. Pero suno sa pamuno sang OBO nga si Engineer Isidro Sun wala sila makahibalo kun ngaa gin angut na naman ang ngalan ni Villarosa diri pero Magallanes ang apelyido sang tag iya sang duta.
Kun bulangan gid man ini damo pa siya sang dapat nga ma comply kag kun indi niya ini masunod parehos sang parking space kag iban, indi man siya ma tagaan sang permit.
Ginpadal-an na sang OBO sang notice of violation ang tag iya sang building nga nahatang sa sulod sang residential area.
May ara siya sang tubtob subong nga adlaw para magpa athag.
Nakabaton man sang impormasyon ang OBO nga naga padayon ang construction gani magapagwa man ang OBO sang stoppage order.