Ginapaabot karon sang City Legal Office ang affidavit of undertaking nga maga gikan sa tag-iya sang duta sa kilid sang Sum-ag River sa Barangay Sum-ag sa Bacolod para mahakot ang mga ginpatampok nga basura sa iya propiedad sa sulod sang 60 ka adlaw.
Ginsiling ni City Legal Office Karol Joseph Chiu nga nagpasalig ang property owner nga matigayon ang clean-up matapos nga maserbe sang nagligad nga semana ang Cease and Desist Order sa ginakabig nga illegal dumping sang basura.
Kahapon sang naserbe man sang CLO ang separado nga Cease and Desist Order batuk sa isa pa ka property owner sa Barangay Punta Taytay nga pareho man nagpatampok sang basura nga gingamit nga filling material sa iya gina-develop nga duta.
Ang CLO upod sa BENRO ang nagpatawag sa mga property owner, hauler sang tinambak nga basura kag mismo tag-iya sang propiedad sa anay dumpsite sa Barangay Mandalagan para sa isa ka technical conference bwas.