Gintiro sang makapila ka beses rason sang iya kamatayon ang 54-anyos nga tag-iya sang car rental services sa dalan Galo kag BBB, Barangay 23 sa Bacolod City, sang Sabado sang gab-i.
Ginsiling ni Major Marc Joeil Reclamado, hepe sang Police Station 4 nga antis magluntad ang pagpaniro. may mga saksi nga nakakita sang paglalisay sang biktima nga ginkilala kay alyas “Mick” kag sang suspek.
Nagapabilin nga at large ang gunman nga nagpalagyo sakay sang sedan.
Padayon pa ang backtracking kag pagpangita sang dugang nga witnesses agud mapat-ud ang motibo sa insidente.
May mga CCTV cameras sa lugar sang insidente apang bangud wala sang kuryente tungod sang bagyo, may kabudlayan ang kapulisan sa pag-access sang footage.
Apang nagapati ang otoridad nga daku ang posibilidad nga may angut sa negosyo ang natabo nga pagpatay sa biktima.*