Diri sa Barangay Patag sa Silay, nahamtang ang dolpings tablea… Naga produce sang tablea gikan sa ila mismo nga cacao plantation.
Ang ila cacao nga gina tanum, white beans ukon creolo nga variety, isa ka rare nga sahi sang cacao beans.
Sang bulan sang Abril naka baton ang amay ni Emmanuel Villarenia nga si Dolping sang tawag
Gikan sa organizers sang 1st International Contest Chocolates processed at origins AVPA Paris 2021. Isa ka international nga kompetisyon para sa mga tsokolate. Pero ang problema wala sang kapasidad
sanday Manuel nga mag process sang ila cacao sa chocolates.
Tablea lang ang ila nga masarangan nga ma produce. Indi sila tani mag intra pero mismo ang organizer nag ayo nga sila na lang ang ma process
Para mangin tsokolate ang ila nga ipadala didto nga produkto.
Pero wala pa natapos diri ang pagpang hangkat para sa ila ni Manuel. Wala man sila sang inugbayad para sa ila nga entry. May 1 ang deadline sa entry nga maka abot sa France gani imposible na
Ini nga matabo. Nag prangka sila ni Manuel sang ila sitwasyon kag ang organizer naman liwat ang nag adjust para maka sulod sila sa kompetisyon.
Sa karon naga biyahe pa lang sa gihapon ang ila nga entry padulong sa France. Sa madason nga semana pa ini maga abot didto. Nalipay si Manuel nga nag derekta contact sa ila ang organizers sang pa contest.
2016 sila ni Manuel kag ang iya amay nag sugod sa pag pananum sang cacao sa Patag, Silay. Sa karon may masobra na sila sa siyete mil ka mga puno kag ang ila nga gina produce nga tablea ang in demand kag gina kulang pa gani sa supply.