Awto nga damlag gina alegar naka bunggo sa tricycle, gin klaro matapos makita sa dashcam nga isa ka SUVamo ang naka bunggo sa tricycle.
Nag baliskad kahapon sa North Capitol Road ang isa ka tricycle matapos ini mabungguan sang isa ka SUV samtang naga dalagan.
Una gina alegar nga ang awto amo ang naka bunggo sa tricycle bangud sa ang salakyan amo na ang naabtan nga naka tapik sa tricycle sang pag abot sang otoridad.
Apang sa dashcam nga kuha sang awto, nakita paano nabungguan sang SUV ang iya gina sundan nga tricycle.
Naga rekta ang tricycle sang ini ang mabungguan sang nagliko nga SUV gani ini ang nag baliskad.
Gilayon man nag palagyo ang SUV. Nalab-ot man sang awto ang tricycle sang ini ang matumba na.
Suno kay Lt Joevito Pastrana, ila na nga na klaro ang driver sang awto matapos man makita ang dashcam nga indi sila ang naka bunggo kag nag tuga sang pag baliskad sang tricycle.
Gin pahayag man ni Pastrana nga wala pa maka padulong sa Police Station 2 ang driver sang SUV kag ila ini karon gina usisa.