Magluwas sa paghatag warning kag pag reprimand kay BTAO head Patrick Lacson, gina recommend karon sang City Legal Office ang pag suspend sa iya.
Suno kay City Legal Officer, Atty. Romeo Carlos Ting, Jr. magadepende kay Mayor Albee Benitez ang pagpatuman sang suspension tungod sang light offense may angut sa pagsupak sang office procedures.
Nalakip diri ang pagkakas sang logo sticker sa Mabb Cab unit nga nakuhaan litrato nga naga park sa gwa sang iya puluy-an kag ang pag-issue sang memo nga nagahatag quota sa mga traffic personnel nga manakop sang traffic violators.
Ginpahayag na ni Lacson nga handa siya nga batunon ang ano man nga pina sa iya nahimo. Siya ang natalana pa nga mag-issue sang letter of apology.