Ginpasaka na sini nga hapon ang kaso nga homicide kag frustrated homicide batuk sa accountant nga si Ulyssis Carampatana nga amo ang susspek sa pag patay kahapon sang kaagahon sa scout ranger nga si Private First Class Edmark Iwayan sa ila pag inaway sa sulod sang bar sa Barangay Singcang-Airport.
Naka confine pa sa gihapon sa ospital si Carampatana pati na ang iya upod nga si Joseph Magahum nga may igu man sang bala bangud sang tiniruhay.
Padayon man nga gina bulong ang tag iya sang bar nga si Joebert Visem nga may igu man sang bala kag ang gin pulihan nga kaupod ni Iwayan sa AFP nga si Private First Class Joebert Villagracia. Samtang, gin pahayag man ni Major Joery Puerto, hepe sang Police Station 8 nga nag sungka na ang tatlo pa sa mga upod ni Carampatana sang natabo ang pag tiniruhay sa ilimnan.
Duha na lang sa karon ang gina hulat sang pulis nga kaupod sang suspek nga mag-surrender.