Shadow

Suspek sa pagpatay sa menor de edad ginkasuhan na

Gindala na sa barangay hall sang Barangay 41 ang bangkay sang 15 anyos nga si Yeshua John Torres nga napatay sa pag pamuno sang dominggo sa Bacolod City Government Center.

Sa sulod mismo sang barangay hall ginhaya ang biktima. Samtang kahapon sang hapon gin pasaka na ang kaso nga murder batuk sa suspek nga si Jorebel Datulayta.

Si Datulayta amo ang gina tudlo nga nag buno sa menor de edad sa tunga sang natabo nga away sang duha ka grupo sang sa Government Center.

Positibo man nga gin tudlo si Datulayta nga amo ang nag buno sa biktima kag iya pa nga gin pabalo sa messenger sa iya mga ka grupo ang pag buno kay Torres.

Ginpahayag naman sang Police Station 4 nga ila pabakuron ang seguridad sa Government Center.
24/7 nga bantayan sang PNP ang BCGC agud ma seguro nga indi na maliwat ang amo nga insidente kag agud mabantayan man ang mga nagakaladto sa lugar.

Secured By miniOrange