Arestado kagab-i sa port sang San Carlos City ang lalaki nga suspek sa pag patay sa isa ka manunudlo sa Naga City Cebu sang Sabado.
Ang gindakop amo si Elmar Alvarez Gemida, 24 anyos. Suno kay Lt Col Jesus Mesahon, hepe sang San Carlos PNP, ang suspek nga taga Calatrava ang masugat kun tani sa iya sini live-in partner gikan sa Cebu sa puerto.
Wala siya makahibalo nga ang Naga PNP ang nakig angut na sa iya sini partner kag sa pag abot sa puerto, upod na sang iya partner ang mga pulis sang Naga kag may bulig man sang San Carlos PNP.
Gin butangan naman sang mga pulis sang entrance kag exit agud indi makapalagyo si Gemida.
Nakuha sa suspek ang motorsiklo nga iya pag gin kuha sa gin patay nga manunudlo pati na ang kahita sang manunudlo nga may unod pa sang 10 mil pesos. Gindala na balik sa Cebu si Gemida kun sa diin siya i detain kag pasakaan sang kaso.