Gindakop sang kapulisan ang apat ka mga persona nga amo ang ginatudlo suspect sa pagtiro sa isa ka babaye sa Purok Maabi-abihon, Barangay Banago sa Bacolod City sadtong Huwebes Santo, Abril 2, 2026, nga nagresulta sa iya kamatayon.
Nagasakay sa tricycle ang biktima nga si alyas “Romelyn” sang siya ang gintiro sang mga suspek nga sakay sa motor.
Sa report sang Bacolod City Police Office, gin-alegar mga miyembro sang gun-for-hire ang mga gin-aresto nga sanday alyas “Anthony”, 42-anyos, taga Brgy. Bata; alyas “Erwin”, 39-anyos, taga Brgy. Vista Alegre; alyas “Noel”, 54-anyos kag alyas “Jovito”, 39-anyos, pareho residente sang Brgy. Taculing.
Sa background investigation nahibaluan nga may mga daan nga kaso sa iligal nga droga ang mga suspek kag sila ang nagapakigbahin sa gun-for-hire activities sa syudad.
Nakuha sa ila ang mga pakete sang suspected shabu kag duha ka short pistols nga may mga bala.*
[sibwp_form id=1]