Suspek sa pag patay sa anak sang tag iya sang kalan-an sa San Carlos City naaresto na. 200 pesos nga utang nangin ugat sang pag paniro.
Naaresto kahapon sa banwa sang Calatrava kun sa diin siya nag panago ang trisikad driver nga suspek sa pag patay sa kay Wilmar Sy nga gin luthang sang Lunes sa sulod sang ila sini kalan-an sa Barangay 4 sa siyudad sang San Carlos.
Kaso nga murder ang ipasaka subong nga adlaw batuk sa suspek nga si Charlou Orsajes.
Suno sa San Carlos PNP, gina alegar ni Orsajes nga iya gin luthang si sy matapos siya pahugon sang biktima.
Gin pahayag ni Orsajes nga may utang nga 200 pesos si Sy sa iya kag sang gin sukot niya ini sang Martes, siya ang gin pahog nga patyon gani iya na ini gin unahan kag iya gin luthang si Sy.