Daw kaangay sa action scene ang nagluntad nga pagdakup sa isa ka suspek nga nagpang-buno sa dalan Rizal, Barangay 3 sa syudad sang San Carlos, Sabado sang hapon.
Natiruhan sang nag-responde nga pulis ang 36-anyos nga suspek, matapos siya ang gin-alegar nga nagbato.
Nakaangkon sang tiro sa iya nawala nga tuhod ang suspek, nga armado sang duha ka mga kutsilyo.
Base sa imbestigasyon sang PNP, pwersa nga ginsulod sang suspek nga si alyas ”Bulljack” ang balay sang 21-anyos nga lalaki kag ginbuno ang biktima sa iya nga likod.
Ang iloy sang biktima, nga nagtinguha kuntani nga magtambag, ang nakaangkon sang pilas sa kamot.
Gilayon nga nakapangayo sang bulig ang iloy kag nagresponde ang katapo sang SWAT.
Apang imbes nga mag-surrender, ginsulong sang suspek ang isa ka pulis, rason nga gintiro siya sa tuhod. Narekober sa iya ang duha ka mga sundang.
Gindala ang mga biktima kag suspek sa San Carlos City Hospital.
Kaso nga Frustrated Murder kag Direct Assault on Person in Authority ang atubangon nga mga kaso sang suspek.
