Makaligad ang anum ka bulan matapos ginpatay ang isa ka call center agent sa Bacolod City, nadakpan sang Criminal Investigation and Detection Group-Negros Island Region ang primary suspect sa krimen.
Gindakup ang suspect nga ginkilala kay alyas Neil, residente sang Pontevedra, Negros Occidental.
Isa ka taxi driver ang suspek. Siya ang ginatudlo nga naghimulos kag nagpatay kay Carl Kimberlyn Degabi.
Nakit-an ang lawas ni Degabi sa kampo nga sakop sang Hacienda Nilo Lizares, Barangay Matab-ang sa syudad sang Talisay, sadtong Enero 12.
Gindakup sang katapo sang CIDG si Neil paagi sa arrest warrant nga ginpagwa sadtong Hulyo 7, sang Regional Trial Court, Branch 53 sa siudad sang Bacolod para sa kaso nga rape with homicide.