Bacolod City ang may 64 ka suspected leptospirosis cases humalin Enero tubtob Agosto 19. Kun ipaanggid sa nagligad nga tuig, nagsaka ini sa 205 percent.
Sa datus nga gin release sang Department of Health, 64 ang suspected cases kag 11 ang suspected deaths sang Bacolod.
Sang 2022 nga datus sang siudad, 21 ang suspected cases, lima naman ang suspected deaths.
Ang Negros Occidental suspected leptospirosis cases naman nag nubo sa 8 percent.
103 ka suspected cases ang na record sang 2022 karon 95 ang recorded cases kag 11 naman ang suspected deaths.
Sa Western Visayas, ang kaso sang suspected leptospirosis cases yara sa 408. Nagsaka ini sa 70 percent.
39 naman ang kadamuon sang napatay.
Ang Iloilo City ang may pinaka mataas nga saka sa leptospirosis cases sa rehiyon – 525 percent.
Padayon ang kampanya nga likawa ang pag ubog sa baha.
Kun naka ubog gid man labi na sa mga lugar nga gina suspetushan nga contaminated mag palapit sa mga health centers para mahatagan sang prophylaxis.
Mangin matinlo man dapat sa palibot.
Dapat mag patuman sang tikang para ma control ang rat population.