Padayon sa karon ang pagpatigayon sang surveillance testing sa mga katapo sang Bacolod City Police Office kag Handumanan District Jail Male Dorm Annex.
Ini matapos nga may mga nagpositibo sa ila sa Covid-19 sang nagligad nga semana.
Base sa pinaka ulihi nga record sang Bacolod Emergency Operations Center, 52 na tanan ka mga inmates sang Bureau of Jail Management and Penology ang nagpositibo sa virus.
Kinse naman ang nagpositibo sa mga katapo sang Police Station 4.
Suno kay Dr. Rosalie Deocampo sang Bacolod EOC, nagapatigayon sa karon sang surveillance testing sa BCPO bangud may pila ka mga katapo sang Police Station 4 nga nakakadto sa BCPO.
Nagapadayon man ang surveillance testing sa iban nga mga inmates kag personnel sang jail sa Handumanan.
Samtang, nagapadayon man ang contact tracing kag testing sang iban pa nga mga close contacts sang 19 ka mga empleyado sang English tutorial firm nga nagpositibo sa virus.
Pero sila tanan ang naka isolate na kag nagapaidalum sa quarantine.