Gin-drug test ang 31 ka mga BJMP personnel kag 23 ka mga persons deprived of liberty sa sulod sang Canlaon City Jail sang Martes nga adlaw.
Isa-isa man nga gin usisa ang tagsa ka mga selda sang PDL kun bala may iligal nga droga.
Ini sa ginpatigayon nga search and seizure operation sang PDEA NORPO kag PDEA-NIR.
Wala sang may nakita nga iligal nga droga sa mga selda samtang ang 54 ka mga persona nga gin drug test ang tanan nag negatibo sa pag gamit sang iligal nga droga.
Ini ang kabahin sang pag panikasog sang PDEA nga himuon nga drug free ang custodial facilities.
