Ang ini nga lalaki naglakat na lang kay gin hambalan nga wala na sang may mahatag sa iya nga supply sang oxygen.
Ang ini naman nga babaye nag bilin na lang anay sang iya tangke sang oxygen. Balikon niya na lang kun matughungan na.
Suno sa empleyado sang Flomont, isa sa mga supplier sang oxygen sa Bacolod City… Limitado lang katama ang supply sang oxygen subong kay naga depende man sila sa planta.
Ang ini nga mga tangke sa gwa sang ila opisina last week pa gin order pero subong lang na tughungan
Ang ini naman nga mga construction workers mapa tughong sang industrial oxygen para sa cosntruction site. Ginpahibalo man sila nga wala sang industrial oxygen sa karon kay medical oxygen ang prayoridad sang mga planta.
Ang ini nga babaye may pasyente sa ila balay nga may heart problem.
Antes pa man maubos nagpatughong na siya nga daan. Maayo lang kay may bilin pa nga oxygen sa dako nga tangke nga amo na lang ang ginsaylo sa iya gamay naman nga tangke.
Ang ini naman nga lalaki naga kinahanglan na gid sang oxygen para sa ila pasyente sa ila balay. Indi man Covid ang balatian. Sang wala may mahatag sa iya ang supplier gilayon niya nga ginpahibalo ang iya nga amo.
Suno sa mga empleyado humalin sang nag ligad nga semana sinakuay na ang baklanay sang oxygen.
Ang indi matagaan naga pangakig na.
Sa planta sila naga depende sang ila supply, karon nga masako man ang baklanay sang medical oxygen sa planta apektado man sila. Kun apektado sila, ang mga pasyente naman nga naga kinahanglan sang oxygen ang gaka apektohan.