Wala nagaka bakantehan sang customer ang Flomont Gas Incorporated sa dalan sang Burgos sa Bacolod City. Sunod sunod ang pag inabot sang mga pribado nga salakyan kag mga ambulansya nga naga bakal sang medical oxygen.
Ang ini nga ambulansya sang sagay nag hapit diri para mag bakal sang supply sang oxygen.
Iya ini kuno konsumo sang City Health Office.
Suno sa manager sang Flomont Gas Incorporated nga si Ricardo Flores Jr., mas masako na gid ang baklanay sini nga semana.
Mas naga damo nga naga damo ang naga binakal sang ila kaugalingon nga mga supply sang oxygen.
Ang demand sang customer yara sa 100 cylinders a day pero ang masarangan ipadala sa ila sang planta sang oxygen, 20 tubtob 30 lang ka cylinders.
Ang mga tangke na lang sa tupad niya ang bilin sa ila nga supply.
Kalabanan sa mga naga binakal mga ambulansya sang mga local government unit gikan sa gwa sang Bacolod
May taga LGU sang Hinigaran nga naga bakal kaina, may taga Valladolid man.
Naga preparar naman kuno ang mga LGU.
Kun may mag demand sang tigdamo nga tangke, indi man ini nila ma akumodar kay kulang sa gihapon ang supply.
Gina limitahan lang tag isa isa lang kada customer.
My mga naga binakal pang tigana sa balay in case of emergency.
Ang mga indi ma akumodar sang mga ospital nga pasyente sa ila naga palapit para may unay lang nga supply sang oxygen
Sa Bacolod City may lima tanan ka mga planta sang oxygen.
Suno sa Department of Trade and Industry Region 6, wala sang shortage sa supply sang medical oxygen. May nagakaigo pa nga supply. Ang Iloilo amo ang gina kulang kag sa Bacolod pa naga kuha.
Ang Bacolod nga mga planta naman dependent sa mga planta sa Cebu.