Mga katapo sang Nationalist People’s Coalition nga miembro man sang UNegA kag Love Negros nga alliance ang ginapaabot maga suporta sa kandidatura ni Vice Governor Jeffrey Ferrer nga maga papili congressman sa 4th District.
Ini suno kay Negros Occidental Governor Eugenio Jose Lacson nga katapo sang NPC kag miembro man sang Love Negros.
Mangin kasumpong ni Ferrer sa congressional race sa 4th District si Engr Lea Delfinado nga katapo sang NPC kag personal nga gin-endorse sang mga Cojuangco.
Paathag ni Lacson, madugay na nga gina kilala sang pamunuan sang NPC ang mga local alliances nga na porma sang ila nga katapo.
Ila nga gina appreciate ang ini nga mga alliances suno kay Lacson kag gina suportahan man ang mga panindugan sang mga naporma nga alliances.
Karon suno kay Lacson, may yara sang split nga ma matabo.
Ang mga yadtong katapo sang NPC sa 4th District nga indi naman katapo sang local alliance sang UnegA kag Love Negros ang gina paabot maga suporta sa challenger ni Ferrer nga si Delfinado.
Damlag pa nag-resign na gikan sa partido NPC sanday Bago Mayor Nicholas Yulo kag Vice Mayor
Ramon Torres bangud sang ila nga commitment kay Ferrer kag indi sila tigayon maka suporta sa kandidato sang NPC.
Samtang, ginkakibot man ni Lacson ang pag-file ni anay vice governor Genaro Alvarez sang COC sa pag ka mayor sa Kabankalan.
Damlag pa suno sa iya naka hatag na siya sang commitment kay anay mayor kag anay governor Isidro Zayco sa pag papili sini bilang mayor sang siudad.
Nagalaum si Lacson nga matinguhaan pa nila plastar ini.
Lubos man ang ila nga suporta kay Congresswoman Mercedes Alvarez.