Superheated plume ukon gas ang na-record sang infra red channels sang Observation Station sang bulkan Kanlaon.
Precursor ini, ukon patimaan sang mahimo explosive eruption nga magluntad.
Sa time lapse video nga ginpost sang Philippine Institute of Volcanology and Seismology na-record sa tunga-tunga sang 6:41 pm tubtob 7:13 pm sang January 28 ang superheated plume activity.
Na capture sang heat sensitive cameras nga napahamtang sa Upper Pantao, Canlaon City Observation Station ang nighttime emission sang superheated gas gikan sa bulkan nga indi makita sa ordinaryo nga mata.
Suno sa PHIVOLS masami maka record sang kasubong nga mga emissions ang ila nga mga cameras.
Paathag ni Mari-Andylene Quintia, ang resident Volcanologist, makabig nga precursor ukon patimaan sang explosive eruption ang pag-release sang superheated gas.
Antes natabo ang pag lupok sang bulkan sang December 2024, May kag October 2025 may kasubong man nga mga phenomenon ukon hitabo.
Kaangay nga ginakabig nga precursor ang pagsaka sang volcanic earthquakes nga na-record sini lamang nga Enero nga mahimo nagakasayuran nga naga pangita sang alagyan ang magma, ang superheated plumes ginakabig man nga precursor.
Ini ang rason suno kay Quintia nga dapat istrikto ang pag patuman sang 4km permanent danger zone para sa safety sang tanan.
“Ini siya nga indicator nga mas mainit ang temperature subong sang aton nga bulkan amo na siya nga kumbaga ang gina pa gwa niya na gas ang mas init man. So ini sya nga mga phenomenon pwede nga precursor kay nakita naton ini siya prior sa aton mga previous nga eruption”, suno kay Quintia.*