Tigayon na nga napalong ang kalayo nga nagsunog sang kahilamunan kag pila ka bahin sang kagulangan sakop sang 4km permanent danger zone sang bulkan Kanlaon.
MKNP photo
Ini kasunod sang pagtupa sang mabunok nga ulan sa area suno kay Philip Lechoncito ang Park Superintendent sang Mt Kanlaon Natural Park.
Nagdangat man tubtob sa 200 ka ektariya sang kahilamunan kag bahin sang kagulangan ang na apektuhan sang sunog.
Las 12:30 kahapon sang udto, Abril 30, makita pa ang padayon nga pag kasunog sa bahin sang Sitio Trangkalan sa Bryg Masulog sa banwa sang La Castellana.
Gina pasalamatan ni Lechoncito ang pag tupa sang mabunok nga ulan nga nagpalong sang kalayo sa bilog nga apektado nga area.
Damlag pa isa sa ila nga gina kahangaw-an nga kun mag sige ang pag kalayo kag mag kambyo ang huyop sang hangin padulong southeast may yara sang posibilidad nga malab-ot ang kagulangan nga sakop na sa Brgy BiaknaBato sa La Castellana.
May pila ka bahin sa naga kasunog nga area nga gintuga sang pag puhag sang pukyutan. Ang pagkasunog sang iban nga area ang indi na mapat-od labi na nga sakop ang lugar sang 4km PDZ, lugar nga gina dumilian ang pagsulod bangud man sang peligro diri.
Ginsiling ni Irene Bel Ploteña ang pamuno sang Provincial Disaster Risk Reduction Management Office nga hugot nga gina monitor sang Kanlaon Green Brigade ang area para man mapangapinan ang mga malapit nga komunidad.
[sibwp_form id=1]