Padayon sa gihapon ang pag buga sang abo sang bulkan Kanlaon.
Las 3:05 Martes sang kaagahon ang una nga pag buga sang bulkan kag gin sundan ini sini nga udto, las 12:33 kag sang hapon, 5:59.
Sa March 24 nga 24-hour monitoring report, ukon humalin las 12 sang kagahon sang March 23 tubtob las 12 sang kaagahon sang March 24, may 12 ka beses nga pag buga sang abo ang na-record kag ini ang naga lawig humalin 2 minutes tubtob 426 minutes.
May 67 naman ka volcanic earthquakes ang na-record kag 18 ka volcanic tremors.
Suno kay Ma Antonia Bornas ang chief sang Volcano Monitoring and Eruption Prediction Division sang PHIVOLCS ang padayon nga activity sang bulkan Kanlaon kaangay sang ash emissions ukon sulfur dioxide flux makabig nga maayo nga sinyales.
Paathag niya nagakasayuran nga wala sang may naga supot nga volcanic gas ukon naga ka-pressurize nga gas sa sytem sang bulkan.
Sang paglupok sang bulkan Kanlaon sadtong December 9, 2024, mas makusog ukon matag-as pa ang na-record sa mga monitoring parameters sa mga binulan antes sang paglupok kun ipaanggid sa mga na-record nga monitoring parameters karon suno kay Bornas.
Dugang pa niya, wala pa sila sang may nakita nga basehan para magpasaka sa alert level 3.
Ang pag pasaka nila sadtong December 2024 sa alert level 3 nakita nila ang impact sadto kag nag re-calibrate na sila.
“Right now, given the foregoing nga moderatley explosive eruptions, it’s actually a good sign na meron po tayong activity sa summit, whether it’s ash emission or sulfur dioxide na close to the running average. Kasi right now ang average for the sulfur dioxide emission natin since January 2024 when it started ramping up, is 2,000 tons per day, close to the long term average so mas okay po yun na medyo malapit sa long term average kasi ibig sabihin, wala po tayong naiipon or na pressurize na volcanic gas sa system”, suno kay Bornas.
[sibwp_form id=1]