Masobra sa tatlo ka oras nga nagbuga sang abo Lunes sang hapon ang bulkan Kanlaon. Makapila man ka beses nga nagbuga ini subong nga adlaw.
Ash fall kag sulfuric smell na eksperiensyahan.
Ginsiling ni Mari Andylene Quintia ang resident volcanoligist sa Kanlaon Observatory sa La Carlota City nga nagsugod ang pagbuga sang abo las 3:24 sang hapon kag naglawig ini tubtob las 6:45 sang gab-i.
Sa ila nga monitoring report may pagtupa sang abo ukon ash fall sa pila ka mga lugar sa Bago City, La Carlota City kag La Castellana.
Manipis ukon less than 1 mm ang na monitor ash fall.
Kaina sang aga makapila naman nga pag buga sang abo sang bulkan Kanlaon ang na record sang Philippine Institute of Volcanology and Seismolgy.
Suno kay Quintia, antes sang Lunes, Sabado ang pinaka ulihi nga pag buga sang abo sang bulkan.
Sa gin-release nga report sang PHIVOLCS napetsahan Abril 1, may 23 ka volcanic earthquakes ang na-record sa Kanlaon, lakip na diri ang volcanic tremor nga nag lawig sang 7 ka minutos.
2,758 naman ka tonelada ang sulfur dioxide flux sang Marso 31 kag 1,500 meters ang plume, ini ang madamol.
Nagapabilin naman ang ground deformation.
“Sulfuric smell Sag-ang, Mansalanao, Cabagna-an, sa may La Castellana area ang may reported sulfuric smell. Kag sa Bago City – Brgy Binubuhan, Brgy Ilijan, Brgy Ma-ao and Mailum. Usually if may ash fall kita na ma experience may dala na na sya, baho na siya asupre. Sa La Carlota, Sitio Guintubdan, Brgy Ara-al. Ang nagiging activity sang aton nga bulkan, at this point usually amo ni sya sometimes mabaskog iya nga degassing and then ma plug naman iya conduit, ma release na naman siya sang ash. Ini siya ang ang nagiging activities”, suno kay Quintia.