Malapit isa ka semana nga temporaryo nga pasirad-an ang Sum-ag Bridge 1 gani magatalana sang dugang nga traffic personnel ang BTAO agud mapahagan-hagan ang pag gutok sang trapiko.
Ginsuguran na sang Department of Public Works and Highways ang temporary bridge closure sa Sum-ag Bridge 1 para sa pagsemento sang ginpalapad nga taytay sa Barangay Sum-ag sa Bacolod.
Gani humalin kahapon madamo sa mga nagabyahe nga motorista ang apektado.
Ang kaiping nga Sum-ag Bridge 2 amo ang temporaryo nga gina agyan sang mga nagabyahe pa sur kag norte.
Suno kay BTAO Deputy Officer Jose Antonio Robello sarang maglawig sa isa ka semana ang temporary bridge closure.
Gani bisan ginakulang, magadugang sila sang traffic personnel sa lugar agud mapahagan-hagan ang pag gutok sang trapiko.
Ang mga traffic personnel man ang magatuytoy sa mga motorista samtang indi pa mapasiga ang mga traffic lights tungod nga wala pa man mabayaran sang barangay ang bill sang kuryente.