Ipanagtag sa public schools sa siudad sang Bacolod ang libre nga mga school supplies, ini ang ginpahayag ni Konsehal Al Espino.
Suno sa iya, kahapon pa lang nagsugod na ang pagdul-ong sang mga school supplies sa Activity Center sang Bacolod City National High School bilang preparasyon sa mas ginpasangkad nga distribusyon nga himuon bwas.
Ginpabutyag pa ni Espino nga si Mayor Greg Gasataya mismo ang magapanguna kag maga-supervise sang aktibidad.
Ginklaro man sang konsehal nga kabahin ini sang programa sang siudad nga nagatuyo nga mahatagan sang dugang nga suporta ang mga ginikanan kag estudyante sa pag-atubang sang sini nga school year.
May yara sang P32M nga pondo ang gin-allocate sang lokal nga panguluhan para sa sini nga proyekto.