Sugar Production sa masunod nga crop year ang gina lantaw nga maga nubo. Pag mahal sang inputs, gina eksperiensya nga dry spell ang pila sa ginatudlo rason.
Ginsiling ni Administrator Pablo Luis Azcona sang SRA, gina tinguhaan sang tanan sa pag panguna sang Department of Agriculture nga mabuligan ang mga mangunguma karon bangud sang problema sang pagtaas sang inputs.
Paathag ni Azcona nga ang pondo nga gintalana sang mangunguma subong sa iya nga uma ang indi na makaigo. Ang abono ehemplo suno sa iya ang presyo ang nagdoble na, tuga man sang pagtimbook sang presyo sang langis.im
Humalin sa dalagko tubtob sa magamay nga farmer, naga kinot sa magasto sa iya nga irigasyon. Imbes nga mag patubig para mag ayo ang pag tubo sang tubo, naga patubig subong para maka survive na lamang ang tanom.
Indi pa mapat-od kun ano gid ka dako ang mangin epekto sini suno kay Azcona. Dugang pa niya, antes sini nga mga hitabo apektado naman gid nga daan ang patanum.
Gani kun nabuhinan sang 40 percent ang input wala nagakasayuran nga maga nubo ang production sa 40 percent man. Sarang nga mas manubo pa gid.
Na desisyonan na sang SRA board nga ang mga “non-essential items” sa budget ang iga convert sa dugang nga farm input assistance. Subong nga crop year ang kalamidad kag ang pag igo sang RSSI ang mga pag panghangkaat nga gin-atubang sang mga mangunguma.*
[sibwp_form id=1]