Pagsaka sang presyo sang kalamay ginakalipay sang grupo sang mga sugar producers sa probinsya.
Pero sila ang magahinyo sang bulig agud mapahagan hagan ang pagsaka naman sang presyo sang abono karon nga nagsugod na ang milling season.
Nagahamboy karon sa mil sais shientos pesos ang mill gate price sang kada bag sang kalamay.
Bagay nga para kay Enrique Rojas, presidente sang National Federation Of Sugarcane Planters ukon NFSP, isa ka good sign para sa sugar industry sa pagbukas man sang galing karon nga Setyembre.
Dugang pa diri ang pag-inabot sang kwatro mil ka mga sugar laborers halin sa isla sang panay nga magabulig agud mapahagan hagan ang kakulang sang trabahador sa mga kampo sang tubo sa probinsya.
Ang sugar association ang magahinyo man sang bulig gikan sa mga ahensya sang gobyerno agud kuntani mabuhinan ang pagsaka sa presyo sang abono nga may pagdugang nga kinse tubtob biente porsyiento nga saka sa presyo sang kada sako.