Padayon ang pag pangusisa karon sa mga structural crack nga nakit-an sa retaining wall kag mga balay nga yara sa Palampas River sa San Carlos City nga nag resulta sa pag evacuate sang napulo ka mga pamilya sang weekend.
Suno kay City Disaster Risk Reduction Management Officer, Joe Alingasa, Jr., padayon nga yara sa evacuation enter ang napulo ka mga pamilya ukon 58 ka mga persona nga gin-evacuate sang barangay sang Sabado sang makit-an ang bahin sang retaining wall nga yara sa Palampas River sa Purok Tindalo Barangay 1, nga may signs sang possible nga pag collapse.
Ini natungod sang pag-ab-ab sang tubig.
Ang mga balay may mga crack man. Dugang pa ni Alingasa may isa gani ka balay nga nag-usmod na ang salog.
Suno kay Alingasa padayon ang pagsapol kag assessment sa mga structures para mapat-od ang sitwasyon kag mahibaluan kun sarang pa bala makabalik ang pumuluyo sa lugar.
Sa karon indi pa safe nga makabalik ang mga pumuluyo.
“There will be assessment later. It will be the engineers to determine whether when na they says that it’s safe na makabalik sila. Pero, subong indi pa gid siya safe. It seems nag dalagko ang cracks. Based sa inspection mas nag lala siya”, suno kay Alingasa.