Streedance Showcase kag LGU Festival Dances ang masaksihan sa pagbukas sang MassKara sa Panaad sa Lunes.
Pagabuksan las 4 sang hapon ang kahiwatan sa isa ka misa. Ang programa ang pangunahan naman ni Governor Eugenio Jose Lacson kag Bacolod Mayor Albee Benitez.
Ang streetdance showcase ang maga gikan sa Balay Kalamay padulong sa Panaad Park Stage.
Halos tanan nga mga LGU sa probinsya ang maga pakigbahin sa isa ka semana nga kahiwatan suno kay Provincial Administrator Rayfrando Diaz. Ang kada congressional district ang maga hatag sang adlaw-adlaw nga entertainment nga mga pasundayag sang ila nga festival dances.
May food parade man nga maga showcase sang mga delicacies sang mga banwa kag siudad.