Gin-lift na sang siudad sang San Carlos ang State of Health Emergency kasunod sang pagnubo na sang kaso sang amoebiasis.
Sa Executive Order nga gin pa gwa ni Mayor Renato Gustilo sang Marso 6, nasaad nga tungod nagnubo na sa nagliligad nga mga inadlaw ang amoebiasis cases gin-lift na ang State of Health Emergency nga damlag pa gindeklarar sa siudad.
Suno kay Joe Recalex Alingasa, Jr., ang spokesperson, sa exit conference sang Department of Health kahapon ginkumpirma gid man sang DOH Epidemiology Bureau ang diarrheal outbreak sa siudad. Ang kaso sang Enero kag Pebrero sini nga 2023 suno kay Alingasa nga masobra sa 500 ang mas madamo sang sa na record sang bilog nga tuig sang 2018 nga 460 cases. Matapos ang natabo, iga activate kag institutionalize ang City Epidemiological Surveillance Unit ukon CESU.
Nagnubo man ang kaso padayon sa gihapon ang water-sanitation hygiene promotion. Gin manduan man ang waterworks system nga mas paayuhon ang maintenance para sa water safety, ang mga water refilling station dapat man mag comply sa National Drinking Water standards kag mas pabaskugon ang zero open defecation sa 18 ka mga barangay.
“This will also call for us to come up with an active CESU or City Epidemiological Surveillance Unit That will do the basic surveillance and reporting. Ang ang calling ni mayor is for our local Waterworks Department to come up with a proper maintenance of our water system to make our drinking water
safe and potable. And the Sanitation Inspection Division of the City Health Office was also mandated to ensure that all our local water refilling station are indeed complying or adhering to the safety National Drinking Water Standards”, suno kay Alingasa.