Mga stakeholders kag pila ka mga vendors sa isa ka open letter kay Silay City Mayor Joedith Gallego ang naga ayo nga i-postpone anay ang relocation sang mga vendors angut sa natalana nga rehabilitation sang public Market.
Sa amo nga open letter nga ginlagdaan sang mga stakeholder, pila ka mga vendors kag katapo sang Silay Bantay ng Bayan, luyag nila nga ipaiway sang alkalde ang natalana nga pagsaylo sang mga vendors sini nga Oktubre.
Suno sa ila wala sang klaro kag pat-od nga plano nga na present.
Sa ika duha nga pagsinapol suno sa grupo sang may gin-present naman, ila gin kwestyon, ang pila ka mga proposal kasubong sang escalator kag elevator sa amo nga proyekto nga para sa ila impractical.
Ang gina ayo sang grupo amo nga nakonsulta man kuntani ang stakeholders sa rehabilitation sang Silay City Public Market.
Suno kay Mayor Gallego, indi pa man pat-od nga sa October na ang pag balhin sang mga vendors sa atubang man mismo sang market.
Mahimo gani nga sa November ukon madason pa nga tuig matigayon ini.
Padayon pa ang pagplastar suno sa iya.
“Ang ila nga transferan wala pa na ma construct”, suno kay Gallego.
Kinahanglan ang rehabilitation suno sa alkalde bangud dilapidated na ang merkado, kag kun apektado man ang mga vendors ini temporaryo man lamang.
“Na plastar na na namon. Na klaro naman na sa ila. Apektado na temporary na siya. Bal-an mo kun indi
mag giyo ang LGU, mabilin na lang gid ang LGU sang Silay. Hasta mentras amo na gid lang ni”, suno kay Gallego.
300 million pesos ang budget para sa rehab.