Unfair kag biased ang mga pahayag nga ginbuy-an sang Provincial Administrator angut sa issue sang nakit-an nga bala sa Food Terminal Market sang Negros Occidental.
Ini suno kay Renelo Lastierre, ang pamuno sang Safety and Security Division sang Negros Occidental base sa pahayag nga iya ginpadala sa katapo sang media. Wala pa man gani suno kay Lastierre nag gwa ang resulta sang pag pangusisa sang pulis sa kaso.
“Atty. Diaz in his media statements seems to prejudge the SSD guilty imputing conspiracy and casting motives of non renewal for the incident without first waiting for the result of Governor’s tasking the Police investigation on the matter” suno kay Lastierre.
Ginsiling ni Provincial Administrator Rayfrando Diaz sa interview sang media damlag pa nga ang pag pangusisa sa nakit-an nga mga bala sa hagdanan sang FTMON ang indi pa case closed. Ini bisan pa nga may nag-ako na. Ang nag-ako suno kay Diaz, nga ginsiling nga katapo sang military community, ang isa ka job order worker sang Office of the Provincial Agriculturist. Nagapati man siya nga ang tinutuyo amo ang pag pahog sa isa ka HR personnel.
Kun may ginasiling man nga “friction” sa tunga ni Diaz kag ni Lastierre, suno kay Governor Eugenio Jose Lacson isa lamang ini ka perception ukon panan-awan.
“Maybe that’s only a perception, there’s really no conflict”, suno kay Lacson.
Ginasiling man ni Lastierre bilang pamuno sang union nga may gina lantaw nga kabalaka nga ma apektuhan ang interes sang mga empleyado bangud sang sitwasyon nila ni Diaz.
“Even my present status as union president was attacked after the simultaneous imputations by what seems to be a fear inflicted in the minds of the employees and some Board of Directors because it seems that if Atty. Diaz doesn’t like my presence it would be likely that employees benefit and proposed welfare will be affected”, suno kay Lastierre.
Suno kay Lacson may union man ukon wala, humalin pa man sadto gina pasiguro sang probinsya nga ma pangapinan ang kinamatarong sang mga government workers lakip na ang pag baton nila sang mga benepisyo.
“In fact, benefits that is for the government employees, we never failed. We did not need the union to remind us. We always look for the welfare of the government employees whether you are a member union or not”, suno kay Lacson.
Samtang, luyag man padalman ni Governor Lacson ang personalidad sang nag-ako nga naga panag-iya sang bala, lakip na diri kun siya ang may lisensya. Iga refer niya ini sa Provincial PNP.