Sugar Regulatory Administration ang naghinyo na sang bulig sang gobernador kag sang 11 ka mga alkalde para mabuligan tapna ang makahalalit nga peste nga nag igo sa mga tubo.
Ginsiling sang pamuno sang SRA, Pablo Luis Azcona nga naghinyo na sila sang bulig sang Department of Agriculture sa pag pahamtang sang quarantine measure para malikawan ang paglapta sang red-striped soft scale insects ukon RSSI kun sa diin 11 na tanan ka mga LGU ang na apektuhan.
Suno kay Azcona ila gina hinyo ang bulig ni Governor Eugenio Jose Lacson kag sang 11 ka natungdan nga alkalde para ma cordon ang mga infested areas.
Nalakip sa panawagan ang pag pauntat sang pag transport sang mga planting materials sa iban nga mga lugar tubtob ma plastar ang protocol kun paano matapna ang pag lapta.
Ginsiling ni Agriculture Regional Director, Engr Jose Albert Barrogo nga nakasugtan nila sa nagligad nga pagsapol sang Biyernes ang pag submit sang 10 million pesos nga proposal sang SRA kay Sec Francisco Tiu Laurel, Jr., pag tuga sang inter-agency Task Force nga pamunuan sang SRA, pag hatag sang insecticide sang Region 6 DA kag pagpahulam sang disinfectant vehicle.
Klaro ni Barrogo gina check pa ang availablility sang insecticide.
As of May 23, may 87 hectares sang katubuhan sa pito ka area sa north, tatlo sa south kag isa sa central Negros ang apektado sang RSSI suno sa SRA.