Ginapabakod karon sang Sugar Regulatory Administration ang mga tikang sini agudto mapangapinan ang Mindanao batuk sa RSSI ukon ang peste sa tubo.
Ini suno kay SRA Administrator Pablo Luis Azcona, nga nagsiling man nga ang Mindanao ang nag-record sang pinaka mataas nga growth sa sugar production sa karon nga crop year.
Suno kay Azcona sa press conference nga ginpatigayon sang July 1, ang Mindanao ang madason nga frontier bahin sa sugar production.
Gina lantaw sang SRA ang pag palapad sang ila nga serbisyo sa rehiyon.
Suno kay Azcona, 150,000 metric tons ang ginsaka sa sugar production sang Mindanao, 97,000 metric tons diri ang gikan sa Bukidnon lamang.
Ang ginsaka sa production sang Negros Occidental yara lamang sa 2,000 metric tons.
Kun indi mahatagan sang nagakaigo nga atensyon ang RSSI tigayon ini nga maka panubo sang sugar content sang mga apektado nga tubo sa 50 percent.