Sugar Regulatory Administration ang naga duso sang 85 pesos nga suggested retail price sa kada kilo sang kalamay.
Ini sa tunga sang reklamo nga may mga retailers labi na saMetro Manila, ang naga baligya sa gihapon sang 110 pesos sakada kilo.
Ginahaylo man ni SRA Acting Administrator Paul Azcona ang publiko nga mag bakal sa Kadiwa Rolling Stores kun sa diin mas barato pa gid ang presyo – 70 pesos kada kilo.
May nagakaigo nga supply sang kalamay suno sa iya, gani walasiya sang may nakita rason ngaa indi pwede mapanubuan sang retailers ang presyo.
“We have enough sugar supply, thus I do not see any reason why retailers can’t bring their prices down at a much affordable rate for our consumers”, suno kay Azcona.
Paathag niya ang mill gate price naga average sa 60 pesos kadakilo kag idugang pa ang iban nga cost kasubong sang pag refine sang kalamay, ang hauling, repacking, kag retailing, may nagakaigo nga nga ginansya sa 85 pesos kada kilo.
Gina panawagan man ni Azcona ang iban nga government agencies labi na ang mga local government units sa pag patumansang SRP labi na wala man sang poder ang SRA sa pagpatumansini.