Pamuno sang Sugar Regulatory Administration ang maga usisa sang pagnubo sa presyo sang trading sang kalamay sa nagligad nga semana.
Sa isa ka press statement, ginsiling ni SRA Administrator Pablo Azcona nga sa ila impormasyon, nadagdag sa gina forecast nila nga 3,000 peso mark ang trading price sang kalamay sang nag ligad nga semana.
May duha ka mga sentral nga ang presyo sang ila kalamay ma nubo gamay sa tres mil pesos kag may yara sang iban nga nagdagdag pa gid sa 2,550 tubtob 2,700 pesos.
Suno kay Azcona maga tutok ang ila nga imbestigasyon sa mga sentral, mga traders kag mga importers para mapat-od kun bala may mga abnormality sa ila nga mga deal. Suno kay Azcona gina tutukan karon sang SRA kun ano ang posible nagtuga sa price depression.
Humalin sang Pebrero napabilin ang presyo sa 3,000 pesos ukon 60 pesos sa kada kilo sa farm gate raw price kag 85 pesos sa kada kilo sang refined retail price sa Metro Manila.
Suno kay Azcona, gina duso nila ang 3,000 peso price bangud para sa ila ini ang presyo nga naga kabagay.
Suno kay Governor Eugenio Jose Lacson sa 3,000 pesos maka ginansya na ang mga farmers kag kun mag nubo pa diri may yara nga ang iban break even lamang. Pasalig ni Azcona nga sila ang maga pat-od sang sini nga hitabo.